«осиё тараққиёт банки» тегли мақолалар
ОТБ Ўзбекистонда микрокорхоналарни ривожлантириш учун 300 млн доллар ажратади
Осиё тараққиёт банки Ўзбекистонда микрокорхоналарнинг молия олиш имкониятларини кенгайтиришни қўллаб-қувватлаш учун 300 млн доллар ажратади. Дастур банк хизматлари билан қамраб олинмаган ёки етарли даражада қамраб олинмаган микрокорхоналарни ривожлантиришни назарда тутади.
ОТБ Ўзбекистон билан янги 5 йиллик ҳамкорлик стратегиясини бошлади
ОТБнинг Ўзбекистон бўйича янги стратегияси мамлакатнинг яшил иқтисодиётга ўтишини қўллаб-қувватлашни назарда тутади. Банк энергетика, давлат сектори ва табиий ресурсларни бошқариш, молия, транспорт, қишлоқ хўжалиги ва шаҳарсозлик соҳаларида лойиҳаларни амалга оширишга ёрдам беради.
ОТБ перинатал хизматни яхшилаш учун Ўзбекистонга 100 млн доллар қарз ажратади
Ўзбекистонда оналар ўлими камайган бўлса-да, ҳамон Европа ва Марказий Осиёдаги ўртача кўрсаткичдан юқори, дейилади Осиё тараққиёт банки баёнотида. Банк ҳомиладорлар ва чақалоқлар учун кўрсатиладиган перинатал хизматни яхшилашга ёрдам бериш учун 100 млн доллар имтиёзли қарз ажратишни маъқуллади.
ОТБ Ўзбекистонга корхоналар ва иқтисодий ўсишни рағбатлантириш учун 100 млн доллар қарз ажратди
Осиё тараққиёт банки Ўзбекистонда кичик ва ўрта корхоналарни қўллаб-қувватлаш ва иқтисодий ўсишни рағбатлантириш учун 100 млн доллар қарз ажратди. Маблағлар, жумладан, корхоналарнинг иқтисодий зарбаларга чидамлилигини оширишга йўналтирилади.
ОТБ Ўзбекистонга инсон капиталини ривожлантириш учун 93 млн доллар ажратади
Осиё тараққиёт банки Ўзбекистонга инсон капиталини ривожлантириш учун 93 млн доллар йўналтиради. Маблағлар саноат тармоқларининг рақобатбардошлигини ошириш, аҳолини касб-ҳунарга ўқитиш орқали инклюзив ўсишни рағбатлантиришга қаратилган.
ОТБ Ўзбекистондаги ваколатхонасига янги директор тайинлади
Канокпан Лао-Арая Осиё тараққиёт банкининг Ўзбекистондаги ваколатхонаси директори бўлди. Бунгача у банкнинг Қирғизистондаги ваколатхонасини бошқарган.
ОТБ Ўзбекистон электр узатиш тармоғини такомиллаштириш учун 125 млн доллар қарз ажратади
Осиё тараққиёт банки Ўзбекистонга 125 млн доллар миқдорида қарз ажратишни маъқуллади. Маблағ мамлакатнинг электр узатиш тармоғини такомиллаштириш, хусусан, 7 та вилоятда 359 километр узунликдаги 12 та электр узатиш линиясини реконструкция қилишга йўналтирилади.
Сунъий интеллектнинг жорий этилиши Ўзбекистонда 430 минг янги иш ўрни яратиши мумкин — ОТБ тадқиқоти
Тўртинчи саноат инқилобининг сунъий интеллект каби технологияларидан фойдаланиш Ўзбекистонда тўқимачилик ва тикувчилик саноатида 100 мингта, қурилиш соҳасида 334 мингта янги иш ўрни яратиш имконини беради. Бу борада Осиё тараққиёт банкининг янги тадқиқотида сўз борган.
ОТБ «яшил» ипотекани кенгайтириш учун $150 млн кредит ажратади
Осиё тараққиёт банки ажратадиган қарз Ўзбекистонда «яшил» ипотекани кенгайтиришни молиялаштиради. Бундай кредитлардан иситиш ва совутиш тизимларини таъмирлаш ёки ўрнатиш, қуёш панелларини ўрнатиш, гидроизоляцияни яхшилаш ва энергия самарадорлигини ошириш учун фойдаланиш мумкин.
2022 йил Ўзбекистонда иқтисодий ўсиш секинлашиб, 4% ни ташкил қилади — ОТБ
ОТБ прогнозларига кўра, 2022 йилда Ўзбекистон ЯИМ ўсиши секинлашиб, 4% ни ташкил этиши кутилмоқда. Ўсиш суръатининг секинлашиши мамлакатда хусусий истеъмолнинг қисқариши ва натижада саноат ҳамда хизматлар соҳаси кенгайишининг чекланиши билан изоҳланган. Банк мамлакатга «яшил ўсиш» ва хусусий секторнинг ривожланиши ёрдам бериши мумкинлигини таъкидлаган.
ОТБ Ўзбекистонда автомобиль йўлларини таъмирлаш учун $273,8 млн ажратади
ОТБ Ўзбекистонда автомобиль йўлларини реконструкция қилиш ва янгилаш учун 273,8 млн доллар кредит ажратишни маъқуллади. Маблағлар Сурхондарёдаги Дарбанд — Денов йўлининг 106 кмни янгилаш, ЦАРЭС-2 коридорига кирувчи Ғузор — Бухоро — Нукус — Бейнеу йўлининг 87 кмни реконструкция қилишга сарфланади. Қолаверса, банк тадбиркор аёллар учун 150 минг долларлик грант ҳам беради.
ОТБ Ўзбекистонда 2025 йилгача умумий қиймати $2,8 миллиардлик 27 та лойиҳани амалга оширади
ОТБ 2022−2024 йилларда Ўзбекистонда умумий қиймати 2,8 млрд долларга тенг 27 та лойиҳани амалга ошириши кўзда тутилмоқда. Жорий йилда ОТБ Ўзбекистонга қайта тикланадиган энергия манбалари, жумладан, қуёш ва шамол энергияси, сув ресурслари, шаҳарсозлик ва йўлларга инвестициялар соҳаларида ёрдам кўрсатиш, ипотека бозорини ривожлантиришни давом эттиришни режалаштирмоқда.
ОТБнинг Ховос туманига сув таъминоти учун ажратилган 7 млн доллардан ортиқ маблағлари талон-торож қилинган
Сирдарё вилояти ҳокими Ғофур Мирзаев Осиё тараққиёт банкининг Ховос туманининг 126 минг аҳолисини ичимлик суви билан таъминлаш мақсадида ажратилган 7 млн доллардан ортиқ кредит маблағлари талон-торож қилинганини маълум қилди.
17 декабрь куни Ўзбекистонда содир бўлган энг муҳим хабарлар дайжести
Ўзбекистонга 400 млн ажратган Жаҳон банки ҳамда 162 млн доллар қарз берган Осиё тараққиёт банки, Шавкат Мирзиёев ва Мун Чжэ Ин қабул қилган қўшма баёнот, коррупциявий жиноятни содир этган 14 мингдан ортиқ мансабдор, нархи арзонлашган «АИ-80» бензини, 2022 йилда кутилаётган хавф-хатарлар, янги 50 минг сўмлик банкнотадаги хатони тан олган МБ ва бошқа хабарлар — «Газета.uz» нинг 17 декабрдаги энг муҳим хабарлари дайжестида.
ОТБ пандемия даврида Korzinka фаолиятини қўллаб-қувватлаш учун $12 млн кредит ажратди
Осиё тараққиёт банки илк бор давлат кафолатисиз Ўзбекистон қишлоқ хўжалиги ва озиқ-овқат саноати корхонаси — Korzinka супермаркетлар тармоғига 12 млн доллар миқдорида кредит ажратди.
ОТБ Ўзбекистонда кичик ва ўрта бизнесни ривожлантириш учун $100 млн кредит ажратади
Осиё тараққиёт банки Ўзбекистонда кичик ва ўрта бизнес фаолиятини кенгайтириш ва улар учун қулай муҳитни яратиш мақсадида 100 млн доллар кредит ажратади. Бунда кредит ОТБ махсус дастурининг биринчи кичик қисмини молиялаштиришга йўналтирилади ва 20 млн доллар эквивалентидаги маблағ сўмда тақдим этилади.
ОТБ Тошкент вилоятида сув таъминотини яхшилаш учун $161 млн ажратмоқда
Осиё тараққиёт банки Тошкент вилоятида сув таъминоти тизимини яхшилаш учун 161 млн доллар миқдорида кредит ажратмоқда. Лойиҳа доирасида Оҳангарон, Олмалиқ, Ангрен, Бекобод, Чирчиқ, Янгийўл ва Чиноз шаҳарларининг марказлашган оқава сув тизимларини модернизация қилинади. Чиноз, Янгийўл ва Зангиота туманларидаги 70 та қишлоқ аҳоли пунктларида 136 минг нафар аҳолига септиклар ўрнатилиб, марказлаштирилмаган канализация тармоқларига кириши таъминланади.
ОТБ Ўзбекистонда молиявий бозорларни ривожлантириш учун 100 млн доллар ажратади
Осиё тараққиёт банки Ўзбекистонда рақобатбардош молиявий бозорларни ривожлантириш учун 100 млн долларлик кредитни маъқуллади. Кредит маблағлари мамлакатда молиявий бозорлар учун қулай муҳит яратишда зарур бўлган давлат сиёсати, қонунчилик ҳамда институционал ислоҳотларни қўллаб-қувватлаш учун йўналтирилиши кўзда тутилмоқда.
ОТБ 2021−2022 йилларда Ўзбекистонда иқтисодий ўсиш бўйича прогнозларини янгилади
ОТБнинг 2021 йилги янгиланган прогнозларига кўра, Ўзбекистон иқтисодиёти 2021 йилда 5 фоиз, 2022 йилда эса 5,5 фоизга ўсиши кутилмоқда. ОТБ 2021 ва 2022 йиллар учун инфляция прогнозларини мос равишда 10 ва 9 фоиз даражасида сақлаб қолди. Шунингдек, жорий ҳисоб дефицити бўйича прогнозларини оширганини маълум қилди.
Ўзбекистон халқаро молия институтларидан 200 млн доллар қарз жалб қилади
Ўзбекистон Осиё тараққиёт банкидан 40 йилга 100 млн доллар, Осиё инфратузилмавий инвестициялар банкидан эса 30 йилга 100 млн доллар қарз олади. Маблағлар Ўзбекистонда COVID-19 инфекциясига қарши шошилинч чораларни кўриш лойиҳаси доирасида сарфланади. Жумладан, 35 млн долларга 1000 та тез тиббий ёрдам машинасини харид қилиш режалаштирилган.
Энг кўп ўқилган хабарлар | Сўнгги янгиликлар
- Журналист Анора Содиқова блогер Мирсаид Ҳайдаровни судга берди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
Қўшимча имкониятлардан фойдаланиш учун сайтда рўйхатдан ўтинг